រឿងភាគថ្មីរបស់ស្ថានីយ៍ទូរទស្សន៍ហង្សមាស រឿង "សិសិររដូវក្នុងបេះដូង" ដែលជារឿងទិញសិទ្ធថតពីរឿងភាគកូរ៉េ "Autumn in My Heart"។ ខ្សែភាពយន្តភាគនេះទើបតែចាក់បញ្ចាំងបានមួយសប្ដាហ៍ តែហាក់មានសន្ទុះគាំទ្រជាខ្លាំង។
អ្វីដែលគួរអោយចាប់អារម្មណ៍ក្នុងសប្ដាហ៍ទីមួយនៃការចាក់បញ្ចាំងរឿងភាគនេះ គឺសម្រស់របស់តួរអង្គក្មេងៗទាំងបីក្នុងរឿងនេះ ដូចជា៖ ចិត្រា(តួឆនសុវណ្ណរាជពីក្មេង), លីនី(តួសុគន្ធនិសាពីក្មេង) និង កញ្ចនា(តួណាត់ តាយ៉ាពីក្មេងដែលត្រូវជាប្អូនស្រីឆនសុវណ្ណរាជក្នុងសាច់រឿង)។
តោះ!! ពេលនេះមកមើលសម្រស់ នឹងដឹងពីប្រវត្តិរបស់តួឯកប្រុស៖
- លោក លឹម រតនៈ (ទីនទីន)
- សម្ដែងជាតួ ចិត្រា (តួឆនសុវណ្ណរាជនៅពីក្មេង)
- ប្រវត្តិ៖ លោកមានអាយុ ២១ឆ្នាំ សព្វថ្ងៃកំពុងតែសិក្សា អក្សរសាស្ត្រអង់គ្លេស នៅសាកលវិទ្យាល័យវេសស្ទើន ឆ្នាំទី៣ លោកជាកូនអ្នកភ្នំពេញ មានបងប្អូនបីនាក់ ឳពុកធ្វើការជាមន្ត្រីរាជការ និងម្ដាយជាស្ត្រីមេផ្ទះ។
- កញ្ញា ឈិន មុន្នីនាថ
- សម្ដែងជាតួ លីនី (តួរសុគន្ធនិសានៅពីក្មេង)
- ប្រវត្តិ៖ កញ្ញា មានអាយុ ១៥ ឆ្នាំ សព្វថ្ងៃកំពុងតែសិក្សាថ្នាក់ទី១០ នៅវិទ្យាល័យបាក់ទូក កញ្ញាជាកូនអ្នកភ្នំពេញ មានបងប្អូន៤នាក់ ប្រុស៣ ស្រី១ ហើយកញ្ញា ជាកូនទី៣ ឳពុកកញ្ញាគឺជាអ្នកចម្រៀង និងម្ដាយជាស្រ្តីមេផ្ទះ។
- កញ្ញា នូណា
- សម្ដែងជាតួ កញ្ចនា (ប្អូនស្រីរបស់ចិត្រា តួរអ្នកនាងណាត់ តាយ៉ានៅពីក្មេង)
- ប្រវត្តិ៖ កញ្ញាមានអាយុ ១៦ ឆ្នាំ សព្វថ្ងៃកំពុងតែសិក្សាថ្នាក់ទី១១ នៅវិទ្យាល័យព្រះសីុសុវត្ថិ កញ្ញាកើតនៅភ្នំពេញ មានបងប្អូន២នាក់ ជាកូនទី២ ឳពុកកញ្ញាគឺជាប៉ូលិស និងម្ដាយជាស្រ្តីមេផ្ទះ។
ប្រភព៖ Facebook
